7.11.2010 Ride 2 Boleybol & Mandi Karangan basama PTB

Persedian banyak jua di buat untuk hari atu.... meting untuk hari beriadah ani pun dibuat jua... banyak idea di hadapkan, banyak perkara di timbulkan.

Apabila hari dan masa yang ditetapkan yang ikut nganya bebarapa orang saja nasib baik ada bebarapa individu dari keluarga dan kawan2 yang sudi untuk ikut..

Ani di sebabkan oleh babarapa asbab, ada yang bakaraja mengajut, ada yang ada urusan yang amat penting nda dapat buat apa2 nda kurang jua ada urusan keluarga tapi ok jua lah... kurang2 nya ramai & mariah jua... he he he.

Katani nganya merancang tapi Allah ta'ala yang menantukan... parkara macam ani bukan nya kan dipaksa2 untuk ikut, mana yang balaku di persilakan & mana yang nda balaku lain kali lagi tani rancang..

Pukul 9 pagi bajanji bekumpol di bangar, masing2 tah menyukat masa masing2 pukol berapa tolak dari bandar ada yang tolak pukul 6.30 pg & ada jua yang pukul 7 pg, itu ini datang jua hampir 9 pg di pos puni..

Perkara yang inda di duga tajadi jua.. pam klas kreta YDP K33 pacah apabila masuk ke pos labu... waduhhh... waduhhh... dengan hati yang tenang & relex dapat jua di usahakan nasib baik ada adi ipar YDP K33 mbagi tau ada waksap bampiran di batang tuwaw...

banyak mandur dari mekanik

Inda di sangka2 dangsanak katani baduyun2 baramai2 mangaga kawaksap Tuan Samsul  tampat mengusai kreta YDP K33 untuk ma ramai2kan suasana, cantik jua lah.. inda jua boring.. ada macam2 creta yang di katawakan & nda kurang jua ngucap2 dangan misti ada..

Labih kurang sejam jua mangusai, alhamdulillah... dapat jua di baik pulih.. kira ok lah.. nda jua papat pajalanan tapi yang mari kasian pihak PTB batah manungu sampai delay perlawanan volleybal  di galangang JKR yang mana telah di rancang awal..

nampak ferry.. nampak tah temburong

palawanan yang sangat hebat macam piala dunia

tem PMK baju sama tapi K31 sama K78 badua saja yang sama

main bolybol kah? main sepak bol?

panjaga upahan tamasuk tukang guris galangang

liputan yang maluas dari para wartawan asing

 

ramai nhya penyokonggggg.... baribu ribuuuu... sampai hampir panuh tampat duduk

pamainan yang senget... disaksikan oleh pohon2 kayu sama daun2an sunguh mariah

himpunann penyokong di tampat duduk first-class

walaupun cuaca hangat tapi palawanan tatap hebat...

para panari pom pom sadang balimbu... kahangatan

di sudut lain penyokong samakin ramai... tampat duduk pun hampir panuh...

para pamain handalan yang takana jaring pukat.. payah malapihi ni tuan...

Permainan yang sama hebat, sama handal, sama kuat & sama baat badan ani di manangi oleh kedua balah pihak, memang hebat, memang handal, memang kuat & memang sama baat badan.

Saat yang di tungu2 kan mandi karangan... salapas dari main bolybol katani batolak manuju karangan  aie tenap selapon..

Macam2 style & pesen yang nampak disana inda kurang jua macam2 yang kan di katawakan apatah lagi macam2 kan di ucapkan jua..

YDP K33 dengan pesen kain tajung

aying karangan pun ada water heater

sama macam sampai di puncak gunung kinabalu terasa apa yang di impikan tacapai

main simbur2 aying mainan mula nya.. oooiiii... masuk aying ka talingaku..

                                       sambil2 atu nyalai2 ayam, soses & katam batang pun ada

ani bukan nya lamang tapi suman ayam

K79 menyambut hari jadi 

pondok tampat santai2, makan2, minum2, nyalai2, caita2 & ngucap2

guru basa sama guru lagi basa...he he he

paadian PMK yang tuut maamai2kan....

ada jua sekolah dewasa di sana atu Tuan....

asal kan mokas kamera saja memang banyak kan ikut bagambaa

speseles tukang bancuh oren impot dae wasingtan

 

hengsaman2 PMK yang inda mau ugi kan bagambaa

eatah usulnya suman ayam tu.. nyaman x ahhh...

                                                                                            

kakanyangan lapas makan...

walaupun kankanyangan tapi masih lapar lagi...

lapas makan ani mandi tani lagi.. awuuu... bagambaa dulu..

kalau kan tahu... eatah pesen mandi kuak kuli mambang.. muha mesti sirias.. lau inda nda, tia jadi

kamu ada balingkawat.. misti ada putri dae kayangan kan tuun mandi ni

ea kah tu putri dae kayangan yang kan mandi atu? lain macam ja upa nya... ba unjuuu...

Sabalum barangkat balik, satu kejutan bagi PMK  dimana PTB telah menyediakan satu cenderahati kenangan terasa terharu jua rasanya pasal nya PMK nada persediaan untuk balasan, MasyaAllah..

ucapan YDP PTB saterusnya ucapan balas dari YDP PMK

penyampaian cenderahati kenangan yang inda di sangka2, sangat2 men'surprise'kan

ahie kalam gambar amai misti...

Kan pukul 5 ptg kami pun mula barinut salapas bapanyap sama2, makan sama2, mandi sama2, ngucap pun sama2, di pohonkan maaf jua mana tau ada yang tasalah hati, tausik hati takasar bahasa dan sabagainya semoga tali persaudaraan katani ani inda satakat ani saja malah salama2nya  & sapanjang hayat...Aminnn 



5.11.2010 Baju Riding & Unifom

Setelah sekian lama, setelah di servey, di telek sana telek sini, pikir sana pikir sini, kompomesen telah di buat scara beramai2 diantaranya K78, K79, K31, K15 & K3 persetujuan ramai telah di buat untuk membuat baju riding tani sendiri dengan memakai warna & fesyen yang tani pernah rundingkan di raun tebal tampat soto hj mandan alum batah ani yang mana sapatutnya katani hadapkan untuk mandapat sponsor, oleh karana ada banyak perkara yang inda dapat di elakan tapaksa tah niat katani atu tani tanguhkan dulu.

Tempat membuat baju riding atu di bangunan Sim Kim Huat sengkurong di balakang Hua Ho & stesen minyak Sengkurong, nama kadai atu ada tertara di bawah ani harganya $15. cukup mambagi  tau arah orang kadai atu Baju Kembara... bagi no K masing2 dan jangan lupa mambayar deposit o bayar tarus...

kadai nya ani udah

nama kadai nya

Mengenai unifom rasmi, pada masa ani  boleh lah di buat di kadai membuat logo di gadong, semua nya sudah di seting kan bentuk dan fesyen nya tamasuk fesyen baju ahli lelaki & ahli wanita.. dengan harga $15 + logo (depan & balakang)+name tag = $25 dengan ini di maklumkan jua Jangan ada lagi yang mandai2 mengubah2 atau manambah2 bentuk & apa jua yang telah di tetapkan biartah mana yang telah di persetujui ramai saja... di harap semua ahli faham ini adalah karana mengelakan perpecahan diantara sesama ahli biar lah saja mana yang di persetujui..

eatah sudah kadai nya

ani alamat nya..

Semoga apa yang tani persetujui secara beramai2 ani akan mendapat berkah serta rahmat dari Allah subhanawata'ala jua....Aminnnn...



31.10.2010 Turut Berdukacita

Kami, keluarga besar, Persatuan Motorsikal Kembara turut berdukacita keatas kembalinya keRahmatullah Bapa Mertua kapada K13 Pg Hj Mohd Yamin b Pg Dato Paduka Hj Awg Damit iaitu Tuan Hj Noorkhan b Dato Paduka Hj Abdulkhan yang mana jua Bapa Angkat kapada YDP K33 pada 31.10.2010, semoga roh nya di cucuri rahmat.... Amin 

Al Fatihah..

 

30.10.2010 BBQ di rumah YDP

Idea mengajut... salalu... K78 & K79 punya idea, kontek members mbawa naindah sedikit samacam, banyak yang ada respon.. ada yang bapadah sound good apa lagi layan tah jadi nya...

api salaian yang hangat....

K79 dengan aksi gandum yang kan di salai nya

K3 dengan kapakaran & kamahiran nya mengulai pakis

pakis yang sudah masak

sikoi merah ada

cacah tampuyak + binjai = ciptaan K79

K1 mentes cacah ambuyat

K31 kana asapi olh K78 & K88

kali ani K95 lang kana asapi

ambuyat + BBq = nyaman taya...

sikoi kuning pun ada

pakis spesel + udang = abis jua

YDP spesialis menumpahi + mengacau ambuyat

kueh malaya pun ada

cacahan ambuyat ciptaan K1

hayam salai pun ada...

lauk salman basalai pun ada.. tajaan K15

gandum kan disalai pun ada.. tajaan K79 uleh nya dari lawas

hayam yang bakal kana salai

sama sarupa tapi isinya nda sama, yang mana satu sasi, yang mana satu aying? cuba teka

bakulan kana salai pun ada di taja noleh K15

saat yang di nanti2kan

K97 dengan anak2nya

penungu salaian tapi dalam keadaan hujan yang sangat lebat & berangin

K95 nda sabar2 menungu salaian

kakanyangan lapas makan tapi masih kan makan lagi...

penungu eh... menungu salaian sampai kalat mata

lokan salai pun ada... nyaman kamu..

para penungu salaian takut nda ampit.. kana ambil saja

iatah tah jalama nya nitukang ambil bokingan dangan apa nda kana tungu

Ani yang banaa nya ni... masa balangsungnya acara yang berprestij dan berkegemilangan malam atu.... eseeeehhhh.. hujan labat..., tamparik..., barangin... & baguruh jua abis car-pet (Kapit lah) lacah ujah hati kan makan baurak di luar arah geres apa kan daya cuaca nda mengizinkan...

26.10.2010 Lepak2 minum kopi & bincang2 di JP

Setelah banyak kan dipkirkan & di bincangkan timbultah idea kan lepak2 sambil minum2 kopi tarustah bincang2 sama kawan2...

bincang2 sambil minum2 kopi

Hal pertama, pasal Palawanan boleybal di temburong pada 7.11.2010 bersama PTB berkumpul di pekan bangar kul 9 pg, semua setuju masing2 tah mambawa naindah yang akan di makan basama mbawa sedikit samacam himpun2 banyak jua jadi nya.. mostly yang setuju barang makanan yang khas untuk bbq.

Hal kedua, pasal labuan tour, K91 mencadangkan akan diadakan koleksen $10 seorang sebulan bearti $30 seorang untuk 3 bulan kutipan dan di persetujui akan di kutip oleh K78, koleksen ani untuk katani pakai membuat balasan balik jamuan makan malam untuk kelab jaguh labuan miatu jua untuk cenderahati.jika duit atu ada labih nya, maka duit atu akan katani gunakan pada 9.1.2011 untuk Kembara Family Days....

Hal ketiga, saja2 sapa kan ikut ride ke emart miri mbali lauk terubok masin, ride ani di pangil Miri Terubok Masin Ride pada 14.11.2010, sapa2 kan ikut kumpul saja di stesen minyak jerudong pukol 8 pg & jalan 8.30 pg tepat siapa ahir bubut saja....

members yang datang... eh hadir...