0

16.1.2011 Hari Keluarga Kembara

Setelah dirancang seberapa lama, segala perancangan telah di buat, segala persiapan telah di atur dan di susun dengan rapi... hari yang di tunggu pun datang jua.. ani yang mari kabak2 ni.. takut inda sakses..

Alhamdulillah... semua nya bajalan dangan lancar dan rapi serta tersusun.. berkat sabar dan tawakal serta tawadukh, semua nya merasa happy dan bersemangat.. ani berkat doa ke hadrat Allah Subhana Wata'ala.. yang mana " Katani hanya Merancang tapi Allah Ta'ala yang menantukan nya... "

Keadaan cuaca sepanjang hari Alhamdulillah.. sehingga selesai acara baru hujan turun sacara palahan lahan..
kalau meengikut usul cuaca memang hujan turun dengan labatnya.. tapi berkat niat yang baik, hati yang ikhlas dan redha.. hujan langsung inda jadi turun di pantai serasa.. tapi kawasan bahampiran sekaliling nampak hujan turun dengan ganas nya..

Seawal jam 4 pagi, K10 sudah datang menghantar ayam sponsornya sabanyak sapikul komplet sama tukang salai sama penyelaian nya sekali tamasuk sapit nya jua apatah lagi arang semua cukup..Terima kasih K 10 atas sumbangan yang di berikan..

semua di sponsor oleh K10

genarator pun dibawa untuk sound system

tali kalat di bawa oleh bini K9

baat palah kalat ani.. piki hampol...

masing2 dangan tugas nya..

hadiah2 yang sangat mariah

aaaiii.... binatang apa dia tungang?

labok2 sama lacis2 bunyi nya ni...

lawa saragam baju riadah atu...

K15 sponsor lauk laukan komplit sama cacah & kayu api 

suasana di awal hari masih sunyi tapi inda sepi..

ahli ladies kembara Mem..

bukan nya angus... tapi keasapan salaian laok...

ketibaan rombongan PTB

grop rempit pun ada jua..

peraduan menaka barapa kacang, barapa biji gula2 & barapa nilai easi kad pun ada

ani aku punya... ko yang lai sja aahhh...

pasal bagambar memang nda mau rugi...

brapa biji kacang ani.. hadiah nya tambang ke landan tapi....
bayar sendiri

kang ku nyuuh gien pelihaanku baapa bg isi nya, hadiah nya bagus hantap tu... dapat di jual tambang atu
dapat jua pakai bajao aku misti manang ni...

mambaca do'a selamat dulu sebalum acara di mulakan semoga di berkati acara ani... amin

sabalum acara tani makan dulu...

mahumbalang piasau bagi bini2 palin mariah...

mangipak piasau bagi laki2 pun ada banyak kan di katawakan

ea jua bini2 paraduan mengipak piasau pun ada jua kan di katawakan..

untuk kanak2 pun banyak kan dikatawakan

bowling piasau acara popular

acara khas.. acara bina badan

limpas tu Tuan...jan mbuyuk... apa kian,,,?

ambil design dulu... baru ngumban..

panjaga garisan dengan tugas sambil manguris

cabutan tiket batuah, hadiah nya lumayan...

lumba tani...?

cabutan tiket batuah, ani hadiah nya tiket kapal? kapal apa?

larian dalam guni sama prestij nya macam olimpik..

pringkat olimpik dah dorang ani balumba..

tarik kalat paling unik pakai helmet.. pakai bot

juru arik nya pun pakai helmet.. samangat kasukanan...

panarik import... pandai menyubalah

batarik banar bisdia ani

pasukan yang manang batarik, penuh sanyuman

sarupa.. macam kambar? tapi...?

alien kah tu...? tapi senyum...?

bakantot ko kah? ea yang....

kami ani yang banaa nya kambaa... buktinya talinga kami sama2 gatal kan..

 chapeekkk ya pak?  penatnyeeee...

goyang karawang ya masss...

tariiikkkkk.......

cabutan tiket batuah lagi...

hadiah tiket batuah... kari dalam tin cap rusa dan tiket penerbangan ulang alik

bila tah no 92 ku ani kana sabut, kalat mataku eh...

hadiah tiket batuah lagi...

hadiah tiket batuah ani macam2...

hadiah manaka kacang tambang umrah.. tapi bayar sendiri

hadiah manaka nilai tambah kad easi sama tambang jua...
tapi macam biasa bayar sendiri

PTB naib juara tarik kalat

PMK juara tarik kalat

acara terahkir palawanan bola sepak yang mana akan di sambong pada tahun hadapan..

hadiah utama tiket batuah + tambang + makan malam + riding...

cenderahati kenangan dari PMK ke PTB

anugerah tertinggi dalam PMK " Bikers of the Year 2010 " kapada K78 Mr Kenon

ibarat isi & kuku, ea jua PMK & PTB nda dapat di pisahkan

Setinggi2 terima kasih kapada semua panaja2 persendirian, yang turut memberikan apa jua sumbangan, buah pikiran dan tenaga yang terdiri ahli PMK jua ada nya yang mana apa yang katani rancangkan ani semua manjadi di luar dugaan jadinya "SANGAT SAKSES".

Semoga apa  yang disponsorkan dan di sumbangkan atu akan manjadi amal dan semua amal yang di berikan atu akan manjadi bakalan katani di akhirat nanti aminnn...  

















hitted

 
Copyright © KEMBARA BIKERS