KEMBARA BIKERS

5.11.2010 Baju Riding & Unifom

Setelah sekian lama, setelah di servey, di telek sana telek sini, pikir sana pikir sini, kompomesen telah di buat scara beramai2 diantaranya K78, K79, K31, K15 & K3 persetujuan ramai telah di buat untuk membuat baju riding tani sendiri dengan memakai warna & fesyen yang tani pernah rundingkan di raun tebal tampat soto hj mandan alum batah ani yang mana sapatutnya katani hadapkan untuk mandapat sponsor, oleh karana ada banyak perkara yang inda dapat di elakan tapaksa tah niat katani atu tani tanguhkan dulu.

Tempat membuat baju riding atu di bangunan Sim Kim Huat sengkurong di balakang Hua Ho & stesen minyak Sengkurong, nama kadai atu ada tertara di bawah ani harganya $15. cukup mambagi tau arah orang kadai atu Baju Kembara... bagi no K masing2 dan jangan lupa mambayar deposit o bayar tarus...

kadai nya ani udah

nama kadai nya

Mengenai unifom rasmi, pada masa ani boleh lah di buat di kadai membuat logo di gadong, semua nya sudah di seting kan bentuk dan fesyen nya tamasuk fesyen baju ahli lelaki & ahli wanita.. dengan harga $15 + logo (depan & balakang)+name tag = $25 dengan ini di maklumkan jua Jangan ada lagi yang mandai2 mengubah2 atau manambah2 bentuk & apa jua yang telah di tetapkan biartah mana yang telah di persetujui ramai saja... di harap semua ahli faham ini adalah karana mengelakan perpecahan diantara sesama ahli biar lah saja mana yang di persetujui..

eatah sudah kadai nya

ani alamat nya..

Semoga apa yang tani persetujui secara beramai2 ani akan mendapat berkah serta rahmat dari Allah subhanawata'ala jua....Aminnnn...

31.10.2010 Turut Berdukacita

Kami, keluarga besar, Persatuan Motorsikal Kembara turut berdukacita keatas kembalinya keRahmatullah Bapa Mertua kapada K13 Pg Hj Mohd Yamin b Pg Dato Paduka Hj Awg Damit iaitu Tuan Hj Noorkhan b Dato Paduka Hj Abdulkhan yang mana jua Bapa Angkat kapada YDP K33 pada 31.10.2010, semoga roh nya di cucuri rahmat.... Amin

Al Fatihah..

30.10.2010 BBQ di rumah YDP

Idea mengajut... salalu... K78 & K79 punya idea, kontek members mbawa naindah sedikit samacam, banyak yang ada respon.. ada yang bapadah sound good apa lagi layan tah jadi nya...

api salaian yang hangat....

K79 dengan aksi gandum yang kan di salai nya

K3 dengan kapakaran & kamahiran nya mengulai pakis

pakis yang sudah masak

sikoi merah ada

cacah tampuyak + binjai = ciptaan K79

K1 mentes cacah ambuyat

K31 kana asapi olh K78 & K88

kali ani K95 lang kana asapi

ambuyat + BBq = nyaman taya...

sikoi kuning pun ada

pakis spesel + udang = abis jua

YDP spesialis menumpahi + mengacau ambuyat

kueh malaya pun ada

cacahan ambuyat ciptaan K1

hayam salai pun ada...

lauk salman basalai pun ada.. tajaan K15

gandum kan disalai pun ada.. tajaan K79 uleh nya dari lawas

hayam yang bakal kana salai

sama sarupa tapi isinya nda sama, yang mana satu sasi, yang mana satu aying? cuba teka

bakulan kana salai pun ada di taja noleh K15

saat yang di nanti2kan

K97 dengan anak2nya

penungu salaian tapi dalam keadaan hujan yang sangat lebat & berangin

K95 nda sabar2 menungu salaian

kakanyangan lapas makan tapi masih kan makan lagi...

penungu eh... menungu salaian sampai kalat mata

lokan salai pun ada... nyaman kamu..

para penungu salaian takut nda ampit.. kana ambil saja

iatah tah jalama nya nitukang ambil bokingan dangan apa nda kana tungu

Ani yang banaa nya ni... masa balangsungnya acara yang berprestij dan berkegemilangan malam atu.... eseeeehhhh.. hujan labat..., tamparik..., barangin... & baguruh jua abis car-pet (Kapit lah) lacah ujah hati kan makan baurak di luar arah geres apa kan daya cuaca nda mengizinkan...

26.10.2010 Lepak2 minum kopi & bincang2 di JP

Setelah banyak kan dipkirkan & di bincangkan timbultah idea kan lepak2 sambil minum2 kopi tarustah bincang2 sama kawan2...

bincang2 sambil minum2 kopi

Hal pertama, pasal Palawanan boleybal di temburong pada 7.11.2010 bersama PTB berkumpul di pekan bangar kul 9 pg, semua setuju masing2 tah mambawa naindah yang akan di makan basama mbawa sedikit samacam himpun2 banyak jua jadi nya.. mostly yang setuju barang makanan yang khas untuk bbq.

Hal kedua, pasal labuan tour, K91 mencadangkan akan diadakan koleksen $10 seorang sebulan bearti $30 seorang untuk 3 bulan kutipan dan di persetujui akan di kutip oleh K78, koleksen ani untuk katani pakai membuat balasan balik jamuan makan malam untuk kelab jaguh labuan miatu jua untuk cenderahati.jika duit atu ada labih nya, maka duit atu akan katani gunakan pada 9.1.2011 untuk Kembara Family Days....

Hal ketiga, saja2 sapa kan ikut ride ke emart miri mbali lauk terubok masin, ride ani di pangil Miri Terubok Masin Ride pada 14.11.2010, sapa2 kan ikut kumpul saja di stesen minyak jerudong pukol 8 pg & jalan 8.30 pg tepat siapa ahir bubut saja....

members yang datang... eh hadir...

24.10.2010 Riding ke Sarasa & Bincang2

Idea mengajut... mau inda mau tapaksa jua di buat banyak hal yang kan di bincangkan, 1.30 ptg kumpul di gaint tungu punya tungu 2.45 ptg jalan.

kalangkabut ku lapas maliat meses ah... kana tungu jua ku ni..

siapa lagi kan di tungu ani...?

Singah sakajap mbali minyak di stesen berakas.. nda samana2 moto YDP nda mau idup tapaksa basorong las2 mau jua tapi pakai teknik bahantak..

isi panuh ah... jangan limpar...

Mula2 ingau jua oleh nya mana tau nda mau di stat lagi disarasa atu tabal rasanya mua.. baik jua mau macam biasa he he salamatttt.....

Sampai saja raon abaot muara, jam manunjukan pukul 3.22 ptg kan masuk waktu solat asar.. langsong singah sakajap di masjid setia ali muara untuk menunaikan solat asar.

Lapas atu baru tah kami ride ke pantai sarasa punya lah ramai orang kan jalan masuk kadalam atu saja trapik jem paksa engsut2,angat jua engin moto..

angat engin moto x ahh.. b Q, pikir mbali tikit ja b Q ani di pantai sarasa ea jua..

sangal batis ku eh.. ngilu gigi ku.. gigi?

yang kana gambar yang... senyum yang...

sangal juboi ku ehhh...

Parkara pertama kan di bincangkan pasal palawanan bolebol basama PTB, tarap palawanan ani sama macam world cup.. traikh nya 7.11.2010 di salapon temburong lapas atu paraduan mandi batu karangan he he he.. sebalah patang balik pasal makanan tani bawa masing2..

ok x ah paking sini ani... nda kana saman kah ni?

Perkara kedua pasal Labuan tour.. pada 29-31.12.2010, YDP manalipon ke YDP Jaguh Abg Jamal batanyakan barapa tambang ferry menumbok moto 175cc kebawah 15rm, 250cc katas 30rm basama pemandu, penumpang 5rm & pandaratan 2rm & cos ferry labun serasa moto 40rm & Penumpang 10rm.

aku mau soto daging kuning saaaingit.... satuuuu.

ada xcbsen moto lah..

masa di labuan atu nanti.. yang penting makanan nya nyaman2..

Perkara ketiga kan riding sampai ke emart miri plenning kan mabli lauk tarubok masin saja cadangan 14.11.2010 kalau ada yang kan ikut gtau saja...

jangan kurang gambar ramai... mesti ada..

masa kan balik punya panjang q, kan bajalan keluar dari pantai sarasa atu saja sangal jua batis apa lagi engin panazzzz.. sampai di simpang.. punya panjang q sampai jua kakawasan kampong sarasa... kalau aku makai mantuka nda tah ku jadi masuk mulih tah ku... sangal x ahhh....

23.10.2010 TAHNIAH........TB55

Kami, kerabat & keluarga besar PMK ingin mengucapkan setinggi ucap Tahniah kapada paadian paling apat sama kami TB 55 C Banal @ Cigu Zakaria b Hj Mudin kerana di anugerahkan Pingat Kerja Lama oleh Kebawah Duli Yang Maha Mulia Paduka Seri Baginda Sultan Negara Brunei Darussalam yang mana di sampaikan oleh Duli Yang Teramat Mulia Duli Pengiran Muda Hj Al Muhtadebillah, Menteri Kanan di Jabatan Perdana Menteri di Istana Nurul Iman pagi tadi...