8.10.10 Hari Jumaat ani, Riding k Limbang

Saja 2 siapakan ikut... batungu2an di rumah K12 di kawasan sekolah rendah junjongan dalam pukol 7 - 7.30 pg kul 8 pg tani jalan... jangan ahir, jangan batabiat & jangan lupa mbawa paspot...
..............................................................................................................................................................

Macam biasa, tungu punya tungu, las 2 ramai jua yang baimpun... dalam masa yang sama jua K12 & K74 menaja sepenuh nya sarapan pagi yang mana basama minuman neskepe  sama tehe, tq bery mas.

Dalam masa baimpun atu K9 manalipon K78 bapadah moto K4 inda mau inda mau di stat, betry nya wek, kira minta tolong la tu.. jadi K78 pun mangaga ke K4 inda lang jauh dari tampat K12..

Bacaan doa selamat di bacakan oleh K31 Ustaz Hasbee

Ada jua 20 minit baru dorang muncul.. tarus saja dipalawa K12 untuk bersarapan, sebelum bajalan bacaan doa selamat telah di bacakan oleh K31 Ustaz Hasbee.

 

gambar ani di gambar oleh anak jiran K12...

Udah selasai perjalanan di teruskan menuju kuala lurah, setelah selasai urusan satu masalah timbul, moto K78 pulang plet betry tapaksa di jampa... baik jua moto K12 betry moto nya tingkil2 luar.ok jua lah mau di stat & sampai jua ke kadai.

baik jua mau lau inda mau kana tunda ehhh..

Kira2 10 lalu datang ke bandar limbang, nukar duit lapas tarus ka batu biah punya lah ramai bikers brunei di sana kami saja 12 bike mana lagi BBC & las grop dari frelen biker yang singah sakajap yang mana on their way to KK.

Banyak yang ngusai moto kan bilang orang... K2 ngusai brek pad tapi nada sper, K12 ngusai trotel, K64 mawelding brekit kaki nya patah, K78 sama K4 ngusai foksel, K78 ea jua tarus ngusai suis spot lite nya & YDP ngusai breket sama masang mp3.

ngusai breket, kana gantungi saddle bag...

K9 pun makai saddle bag pikir motor nganya..

ayu nya dang K78 tapi bamisai & bajengot

moto K9 ani khas di buat untuk malukan liat saja ada bardeh di balakang..

moto K2 ani ada panaruhan sper tayar & bardeh tampat mbawa lokan

moto K78 & K79 kana pancaaaa.... jadi kapcai...

Untuk makluman semua, stiker o lakat2an logo katani boleh lah didapati di CosMos Advertising di Limbang plaza tingkat 1, tampat kadai mbuat stiker, bagi tau saja nama Persatuan katani dorang sudah tau tu dengan harga 10 RM, water resis tu...

Hampir pukul 6 ptg baru balik dari limbang, udah di sempadan macam biasa singah mbali salai2an kira ngabiskan usin malaysia...