31.8.2010 Sungkai Ride to KB

Mana2 yang balaku... katani akan mengadakan program Sungkai Ride menuju ke Kuala Belait pada 31.8.2010, tani bahimpun di stesen minyak jerudong pada 3.45 ptg dan mula akan bergerak pada pukul 4 ptg selepas waktu solat asar, insya Allah..

Tentang tempat yang akan di tuju dan barapa harga sakapala akan di maklumkan kemudian semoga K28 & K67 akan mandapat tampat dan harga yang bersesuaian...

Mudah2an ramai ahli tani yang ikut riding ani... Aminnn...

Kompomesen dari K67, tampatnya di Restoran Chicken King sakapala $6, kanak2 $3.50, menunya ada 12 menu semuanya, tani boking untuk 20 orang kalau labih atau kurang nda masalah.harap maklum...

.....................................................................................................................................................................

Alhamdulillah ramai jua yang ikut dalam 9 buah moto yang terdiri dari YDP K33, K3, K79, K78, K88, K1, K15, K2, K46, K31, K7 & K68 yang dari bandar dan dari KB sendiri di tungu oleh K67 & K28 serta di ikuti 3 bikers dari jenis racers yang mana dorang ani telah terpikat hati untuk menjadi ahli JKB sepenuh nya dan mereka betiga ani menungu kami di tepi jalan di simpang perpindahan bukit beruang.

Mula berhimpun di stesen minyak jerudong pukul 3.45 ptg lapas solat asar dan tungu punya tungu jalan pukul 4.45 ptg ok lah masih ada masa...
Perjalanan memakan masa dari stesen minyak jerudong dan sampai di tamu seria untuk berhenti sekejap kerana K31 ada urusan sekejap di sana mamakan masa salama 1 jam dengan kelajuan tidak melebihi dari 100km/h.

Sudah babarapa tahun JKB inda pernah membuat relax ride, perjalanan ani sangat relax namanya jua relax ride atau evening ride, riding ani sangat inda memberi kalat mata tapi ada kasan sampingan iaitu "sangal tungking"nasib jua K31 membawa singah ke tamu seria dapat jua merelez tungking yang pegal2.

bikers mana kan tu makai capal atu...?

sangal ku ehhh.. siapa lagi kan di tungu ani..

kanapa tia basurung atu..? bawulah tia...

K68 riding makai capal... inda ku paham

Inda sampai 10 minit kami pun mula bertolak manuju ke final distination Kuala Belait, di pertegahan jalan kami di sambut oleh KB Brotherhood bikers dan salajur di bawa manuju ke restoran chicken king yang mana 2 orang ahli JKB telah menungu labih awal kadatangan kami, sasampai kami baru tah nampak senyum dorang ani...

lawa sudah gambar tani ani tapi macam bukan bikers nda nampak moto macam palancong yang mambuat lawatan singkat

ani baru nampak bikers..

YDP JKB dan YDP KB Brotherhood memang kawan lama sama2 riding kahulu ke hilir inda kira bahujan bapanas batamparik barangin ribut bataupan saja kami inda parnah sama2 riding..mari kambang bulu idung kali ahhh...

YDP JKB & YDP KB Brotherhood kawan lama

YDP KB Brotherhood tapaksa maningalkan kami untuk basungkai basama JKB pasalnya di rumahnya ada majlis manyambut hari Jublee Perak anniversary perkahwinan nya jadi tapaksalah ia basungkai basama kaluarga nya... Tahniah Bro semoga bekakalan ke ahir hayat..

mulih ku dulu bro.. kami ada majlis karang ku kamari..

jajaka JKB yang hengsam2 lagi manawan... & pamurah

nda tadapat magang kamera... kan bagambar saja..

Hidangan yang di hidangkan iatah usul nya ni ah... nyaman2 lang jua, pasal ngalih riding nah.. abis lang naindah nya yang di sadiakan baik jua ada refel.. siapa inda basalera inda ku tau.. mambogong lang bakaut di pingan.

nyaman usul nya.. toho jepun masak antah.. tapi nyaman

ayam masak butter... kerenyas2 boy

daging masak lada sulah hitam.. nyaman...ehhh

lauk goreng tapung masak merah.. nyaman jua..

baru mbuka tudungnya udah tah nyaman bau nya apalgi di makan..

rojak pun ada.. paling laku...

sikoi sama batat batu babaris... kapayas manyadai..

kurmanya jar-rang jar-rang..

ag-gar ag-gar pun ada

oiiii.... ampiti orang sasat...

pisss.... ampiti oiiii....

siapa lagi yang alum mbayar ahhh...? angkat tangan..

ani namanya nasi + + + las2 ka jamban...

pandai dorang ani mangaut...lecen bah..

kamu... batah lagikah baduk ani, di bandar baduk udah ni..

kajap lagi baduk oiii... tambah 3 minit...

ani baru ya kabalasan...

galas basar, sudu basar, pingan basar air-bag pun basar...

2 galas kopi tarik lagi... boleh abis kah?

geng racer yang berminat kan manjadi ahli JKB yang baru

lapas sungkai kakanyangan.. nah inda lang tarangkat pungung..

kawan lagi damit sama2 balajar tarabang jadi kaluang man

K67 dipertangong jawabkan oleh YDP untuk menguruskan sagala urusan sungkai di KB ani dari urusan mamboking sampai jua ka urusan bab mutik usin koleksen untuk mambayar.. memang cekap K67 ani sampai ada yang minta no handphone nya... tapi kan diapa dorang ah..? 

Samasa kan pajalanan manuju balik kami singah sakajap di jalan tangah KB untuk mambali minyak, mulai dari sana kami di iringi oleh KB Brotherhood bikers sahinga pakan seria, konvoi pun panjang wooo... hitung panjang hampir 1 km, boleh tahan dorang ani, Brotherhood banar Tahniah....

barsama KB Brotherhood yang turut mengiringi

orang2 kuat KB Brotherhood

JKB lady bikers tapi yang kana bonceng..

bagambar kanangan bersama KB Brotherhood

bagambar pesen gauk tatap ada he.. he.. he..

Kami batolak dari pekan seria pukul 9.20 malam.. dan selamat sampai di bandar sejam kamudian dengan hanya larian salju 100 km/h sunguh nyaman jalan malam, aman, selamat, inda banyak kenderaan , sejuk, ngilu jua rasa nya kalau inda bajeket tabal dan yang paling siyok nya inda hujan.. bintang bataburan di langit..

27.8.2010 Jalan2, Riding2 sambil ngusai moto d limbang..

Sapa2 kan ikut program ani... tarus saja menungu di stesen minyak limau manis kul 9.30 pg.. jangan lupa mbawa paspot.....

Salapas tungu punya tungu, masih lagi bikers tahan lasak K33, K88, K2, K78 & K79 yang sangup riding masa puasa ani denmgan 4 buah moto.

9.30 pagi kami batolak manuju kuala lurah dan sampai di bandar limbang sajam kamudian, di tengah 2 perjalanann penguatkuasa jalan raya terdiri dari polis diraja malaysia mambuat sakatan jalan raya tapi kali ani sanyum nganya doirang tanpa manahan kami.

sampat bagaya dapan kadai

Datang ka bandar limbang tarus nukar duit lapas atu manuju kakadai kusyen K78 kan ngusai kusyen moto nya di aga di kadai bukit nda ya sangup pasal banhyak tampahan orang udah lapas atu diaga di kadai bawah prablam nya nada span tabal... adehhhh.. baunjar jua K78 oleh nya nda jua ada.. las2 mangalah lah jua..

       YDP K33 dengan pingat PJK nya (Perut Jalan Kedepan)  

Lapas atu barinut tah kami manuju ka Yimoto Batu biah kadai ani memang kagamaran kami dari mula ia di buka mulanya, dorang ani memang kanal sangat dangan kami specialy c ah B sama c Ang.. sanang runding punya olang.

K88 kan menganti lampung signal nya yang pacah pasal ia nya tumbang sama moto nya.. katingian ia nya.. baik jua ada tapi kira modipait

                                       

                                           nah pacah kan... nda caya kamu ahhh...   

  

                        karja karja... ka utan mancari pucuk paku, aku mancari skruuu dulu

                                          skrunya labih ahhh... cana tuuu?

  

                                jangan mahal ahhh... nda cukup usin ku karang .. kan mbali tongking ku lagi..

 

                                          apa bangsa nya kan tu ..biskal or racer rr?

 

     biskal racernya pakai dobol stand... moto ku lang nada.

kerusi roda atau kerusi beroda? ada saja kerusi di yimoto ani

Masa kan balik kabandar K2 taliat ada buangan bagas span karusi moto rempit didalam sampah apa lagi di ambil oleh K78 ani cantik ni.. apa lagi tarus tah kakadai malapis karusi tarustah mamuat lapis kusyen moto K78 jangan lalai...

usai2 mbuka atu pukah kang...

usai2 nyukat atu biut kang..

mun nda siap kang... talooo tu eh... cana duduk?

nyaman tia bah diduduki...

sarung tangan kirong... lawa eh

Buat2 nungu siap kusyen atu raun2 kami dulu tarus kami menunaikan sambahyang fardhu jumaat dulu di masjid utama daerah limbang kasian K79 manungu kami di hotel purnama.

Udah salasai samua kakadai moto lagi kami siring petronas K88 mbali barang moto skrembalnya kami kasabalahnya kadai mbuat plet lesen n stiker lapas atu ke ikadai indastri lagi batanya kan mbuat pagar rumah, lapas atu barutah balik..

Dalam pajalanan balik manuju kuala lurah punya lah marikalat mata ngikutkan kereta yang draib romentik riding pun inda dapat motong banyak banar kreta, sasampai kami di garai kuala lurah baik jua ada aying pakai batapus mua ngilangkan kalat mata syukur alhamdulillah.. kul 4.30 patang lkami sampai di kuala lurah.